McIlroy: „Alltaf spennandi að leika með Tiger“
Tiger Woods og Rory Mcilroy munu leika saman fyrstu tvo hringina á lokamóti FedEx mótaraðarinnar sem hefst í dag en mikið hefur verið talað um samband þeirra tveggja á undanförnu. McIlroy hefur haft betur í harðri keppni við Woods undanfarnar vikur en hann segir að það sé ekki mikill rígur á milli þeirra.
„Fólk kemur til mín og spyr mig hvort ég sé að taka stöðu Tiger Woods í golfheiminum,“ sagði McIlroy við fréttamenn á blaðamannafundi sem fram fór í gær. „Það er ekki hægt að bera saman goðsögnina sem Tiger Woods er og 23 ára krakka frá Norður-Írlandi sem kemur til Ameríku og vinnur nokkur mót. Ég hef svo mikla virðingu fyrir öllu sem Woods hefur áorkað í íþróttinni."
McIlroy segir einnig að hann finni fyrir sérstakri spennu alltaf þegar að hann leikur í sama holli og Woods. „Mér finnst alltaf spennandi að leika með Tiger í holli og ég vona að honum finnist líka gaman að spila með mér.“
