Mikil fjölgun kylfinga í golfklúbbum á Íslandi
Á vef Golfsambands Íslands er mjög athyglisverð grein um fjölgun iðkenda og aðra tölfræði.
Aldrei hafa fleiri kylfingar verið skráðir í klúbba en nú og er fjölgunin síðustu tvö árin umtalsverð. Skráðir félagar eru nú 22.187 sem er 12% aukning á milli ára.
Konur eru nú 33% skráðra félaga og hefur hlutfall þeirra aukist um 2% á milli ára.
14% skráðra kylfinga eru börn og unglingar sem er 4. hæsta hlutfall í Evrópu.
Meðalaldur karla er 46 ár og kvenna 52 ár. Meðalforgjöf karla er 28.3 en meðalforgjöf kvenna er 38.1.
Ýmsa aðra athyglisverða tölfræði má finna í greininni.