Myndband: Bjerregaard með holu í höggi á PGA meistaramótinu
Daninn Lucas Bjerregaard gerði sér lítið fyrir og fór holu í höggi á lokahring PGA meistaramótsins sem er í fullum gangi núna á Bethpage Black vellinum.
Bjerregaard náði draumahögginu á 17. holu vallarins sem spilast rúmlega 188 metra löng í dag. Boltinn lenti einu sinni fyrir framan áður en hann lenti í miðri holu.
HOLE-IN-ONE!! pic.twitter.com/tbKhaARtEv
— PGA Championship (@PGAChampionship) May 19, 2019
Til gamans má geta að Lucas Glover, sem er í holli með Bjerrregaard, setti niður frábært glompuhögg stuttu seinna og léku þeir nafnarnir því holuna samtals á 3 höggum.
Hér er hægt að sjá stöðuna í mótinu.