Myndband: Engin fagnaðarlæti þegar Howell fór holu í höggi
Englendingurinn David Howell fór holu í höggi á 14. holunni á Wentworth vellinum í dag á BMW PGA meistaramótinu sem fer fram á Evrópumótaröð karla.
Viðbrögð Howell voru nokkuð skondin en hann vissi í raun ekki hvort boltinn hefði ratað í holu fyrr en hann var kominn á flötina þegar hann var með pútterinn í hönd að leita að boltanum.
Howell er í fínum málum eftir tvo hringi á BMW PGA meistaramótinu, jafn í 25. sæti á 4 höggum undir pari. Þriðji og næst síðasti hringur mótsins fer fram á morgun, laugardag.