Myndband: Hvernig endaði þetta högg ekki ofan í?
Lokahringur Farmers Insurance Open mótsins á PGA mótaröðinni er nú í fullu fjöri. Ástralinn Marc Leishman er í forystu en kylfingar á borð við Jon Rahm, Rory McIlroy og Tiger Woods eru einnig í toppbaráttunni.
Woods átti einmitt eitt besta högg dagsins þegar hann sló innáhöggið sitt á 2. holu ofan í holu og aftur upp.
Bolti Woods stoppaði örstutt í holunni áður en spuninn á honum gerði það að verkum að hann fór aftur upp. Nick Faldo, sem lýsir mótinu á Golf Channel trúði ekki sínum eigin augum og sagðist ekki hafa séð annað eins.
