Myndband: Woods mættur á Bethpage Black fyrir PGA meistaramótið
Annað risamót ársins, PGA meistaramótið, hefst næsta fimmtudag og er leikið á Bethpage Black vellinum að þessu sinni. Einn af þeim kylfingum sem þykir hvað sigurstranglegastur er Masters meistarinn, Tiger Woods.
Woods hefur ekki keppt í móti síðan hann fagnaði sigri á Masters mótinu en hann virðist í góðu formi ef marka má myndband sem birtist af honum í gær. Í mynbandinu sést hann slá á þriðju holu vallarins. Holan er um 210 metra löng par 3 hola og sló hann tvö högg. Höggin enduðu bæði nálægt holu og samkvæmt vitnum endaði annar um 2 metra frá holu.
Per my sources, the Masters champ is at Bethpage and looking GOOD. Stuck both shots on the long par three 3rd, one to 7 feet. Grand slam alert @FrankieDeLuca_ pic.twitter.com/LxeZSL38nK
— Riggsy Commish (@RiggsBarstool) May 8, 2019
Fyrr í þessari viku sást snekkja Woods við bryggju á Long Island en völlurinn er einmitt á miðri eyjunni.