Nær Guðmundur sínum fyrsta sigri á Nordic Golf mótaröðinni í dag?
Guðmundur Ágúst Kristjánsson verður í lokahollinu þegar lokahringur Mediter Real Estate Masters mótsins fer fram í dag á PGA Catalunya svæðinu í Barselóna.
Guðmundur er á 8 höggum undir pari í mótinu eftir tvo hringi og er höggi á undan næsta manni sem er Jarand Ekeland Arnoy.
Fari svo að Guðmundur sigri í dag verður það hans fyrsti sigur á Nordic Golf mótaröðinni en hans besti árangur á mótaröðinni kom í fyrra þegar hann endaði í 4. sæti á OnePartnerGroup Open.
Auk Guðmundar verða þeir Haraldur Franklín Magnús og Andri Þór Björnsson í eldlínunni í dag þegar lokahringur mótsins fer fram.
Rástímar íslensku kylfinganna:
Guðmundur Ágúst Kristjánsson, 11:05
Haraldur Franklín Magnús, 9:45
Andri Þór Björnsson, 10:25
Hér verður hægt að fylgjast með skori keppenda í beinni.
