Fréttir

Nordic Golf: Guðmundur í bráðabana um sigurinn
Guðmundur Ágúst Kristjánsson.
Rúnar Arnórsson
Rúnar Arnórsson skrifar
laugardaginn 15. júní 2019 kl. 14:00

Nordic Golf: Guðmundur í bráðabana um sigurinn

Lokahringurinn á PGA Championship mótinu á Nordic Golf mótaröðinni fró fram fyrr í dag. Fyrir lokahringinn var Guðmundur Ágúst Kristjánsson í forystu og lék hann hringinn í dag á einu höggi undir pari. Hann endaði því jafn Dananum Christian Bæch Christiansen í efsta sæti á samtals 9 höggum undir pari. 

Bráðabana þurfti til að knýja fram úrslit en eftir að þrjár holur höfðu verið leiknar í bráðabananum þurfti að fresta leik vegna veðurs. Úrslitin eru því ekki ljós en fréttin verður uppfærð um leið og leik er lokið.

Haraldur Franklín Magnús endaði jafn í 8. sæti á samtals 6 höggum undir pari eftir góðan lokahring sem hann lék á 68 höggum eða þremur höggum undir pari. Á hringnum fékk Haraldur fjóra fugla, einn skolla og restin pör.

Andri Þór Björnsson náði sér ekki á strik í dag en fyrir daginn var hann jafn í 7. sæti á samtals fimm höggum undir pari. Hringinn í dag lék hann á 75 höggum, eða fjórum höggum yfir pari. Hann lýkur því leik jafn í 35. sæti á samtals einu höggi undir pari.

Axel Bóasson og Aron Bergsson voru einnig að meðal keppenda en þeir komust ekki í gegnum niðurskurðinn.

Hér má sjá lokastöðuna í mótinu.

Icelandair Betra verð til Kanada 640
Icelandair Betra verð til Kanada 640