Perla Sól tók stórt stökk upp heimslista áhugakylfinga
Úr sæti númer 1.633 í sæti númer 769
Perla Sól Sigurbrandsdóttir, GR, tók með árangri sínum á sterku áhugamannamóti á Englandi, stórt stökk upp heimslista áhugakylfinga.
Perla hafnaði í 6. sæti á mótinu og var á meðal 10 efstu kylfinga alla keppnisdagana.
Það má sjá svipmyndir af lokadegi mótsins hér að neðan. Umfjöllun um Perlu Sól hefst á 02:19.
A week to remember as @GracieRitaGolf is crowned Girls' U16 Amateur Champion 💬 🏆 pic.twitter.com/MQ06T42u4B
Fyrir mótið var Perla Sól í sæti númer 1.633 á listanum en með árangri sínum fór hún upp um 864 sæti og situr í sæti númer 769.
Staða kylfinga á heimslista skiptir máli þar sem þeir fá fleiri tækifæri til þátttöku á sterkum áhugamannamótum því hærra sem þeir sitja á listanum.
Ragnhildur Kristinsdóttir, GR, er efst íslenskra kvenna á listanum en hún situr í sæti númer 315.
Kylfingur fylgist vel með okkar efnilegasta fólki.