PGA: Moore með eins höggs forystu
Fyrsti hringur Memorial mótsins var leikinn í dag og það Bandaríkjamaðurinn Ryan Moore sem er í forystu eftir daginn. Forysta hans er aðeins eitt högg.
Moore gerði engin mistök á fyrsta hringnum. Hann hóf hringinn með látum með fimm fuglum á fyrstu sjö holunum. Á síðari níu holunum bætti hann við tveimur fuglum og kom því í hús á 65 höggum, eða sjö höggum undir pari.
Einn í öðru sæti er fyrrum efsti maður heimslistans, Jordan Spieth. Hann lék á 66 höggum í dag þar sem hann fékk einn örn, fimm fugla, einn skolla og restina pör.
Tiger Woods er á meðal keppenda og er hann jafn í 19. sæti á samtals tveimur höggum undir pari.
