PGA: Þrír kylfingar jafnir á toppnum
Annar dagur Memorial mótsins fór fram í dag og er mikil spenna á toppnum eftir daginn. Þrír kylfingar eru jafnir í efsta sætinu á níu höggum undir pari, höggi á undan næsta manni.
Kylfingarnir eru þeir Troy Merritt, Kyoung-Hoon Lee og Martin Kaymer. Merritt lék best af þeim þremur en hann kom í hús á 66 höggum, eða sex höggum undir pari. Lee lék á 67 höggum og að lokum lék Kaymer á 68 höggum.
Fyrrum efsti maður heimslistans, Jordan Spieth, er einn í fjórða sæti á átta höggum undir pari. Hann lék á 70 höggum í dag, eða tveimur höggum undir pari.