PGA: Woods og Fowler jafnir í forystu á TOUR Championship
Bandaríkjamennirnir Tiger Woods og Rickie Fowler léku best á fyrsta degi Tour Championship mótsins sem fór fram í dag, fimmtudag, á East Lake vellinum í Atlanta.
Báðir léku þeir á 5 höggum undir pari og eru höggi á undan þeim Gary Woodland og Justin Rose sem deila þriðja sætinu.
Woods sýndi flotta takta á fyrsta hringnum en þó fáa jafn góða og á lokaholu dagsins þar sem hann fékk frábæran örn.
EAGLE!!!@TigerWoods buries it at the last to tie the lead. #LiveUnderPar pic.twitter.com/BJa9pIcXif
— PGA TOUR (@PGATOUR) September 20, 2018
Ljóst er að baráttan um stigameistaratitilinn er galopin því efsti maður stigalistans, Bryson DeChambeau, lék fyrsta hringinn á höggi yfir pari og er jafn í 21. sæti af 30 kylfingum.
Miðað við stöðuna í mótinu eftir fyrsta dag er áætlað að Justin Rose endi í efsta sæti og Woods í öðru sæti. Það er hins vegar mikið golf framundan en úrslitin ráðast á sunnudaginn þegar fjórði og síðasti hringur mótsins fer fram.
Hér er hægt að sjá stöðuna í mótinu.
