Ragnar og Frans léku best á Opna Ferðamóti GHG og GOS
Frans Páll Sigurðsson, GK, og Ragnar Már Ríkarðsson, GM, léku best á Opna Ferðamóti GHG og GOS sem fór fram um helgina.
Leiknar voru 18 holur í mótinu þar sem kylfingar byrjuðu á að leika 9 holur á Svarfhólsvelli hjá GOS áður en þeir léku 9 holur á Gufudalsvelli í Hveragerði. Aðstæður voru frábærar en veðrið lék við keppendur.
Ragnar Már Ríkarðsson lék á besta skorinu, 68 höggum (-3). Frans Páll var með flesta punkta í mótinu eða 39 punkta.
Helstu úrslit má sjá hér fyrir neðan:
1. Frans Páll Sigurðsson, GK, 39 punktar
2. Davíð Baldur Sigurðsson, GM, 38 punktar
3. Herberg Viðarsson, GOS, 38 punktar
4. Sindri Már Guðbjörnsson, GÞ, 38 punktar
5. Friðrik Friðriksson, GSE, 37 punktar
Öll nánari úrslit er hægt að nálgast á golf.is.
