Schauffele með nauma forystu fyrir lokadaginn
Mikil spenna er fyrir lokahringinn í golfkeppni Ólympíuleikanna.
Heimamaðurinn Hideki Matsuyama er nú aðeins einu höggi á eftir Xander Schauffele sem hefur forystuna á 14 höggum undir pari.
Bretinn Paul Casey er þriðji ásamt Carlos Ortiz frá Mexico á 12 höggum undir pari. Rory McIlroy er í hópi nokkurra kylfinga sem eru á 11 höggum undir pari.
Tommy Fleetwood lék frábærlega á þriðja hring á 7 höggum undir pari og er samtals á 10 undir pari.
