Shinkwin með tvo drævera í pokanum
Það vakti athygli þegar Englendingurinn Callum Shinkwin spilaði fyrsta hringinn á móti vikunnar á Evrópumótaröðinni, Golf in Dubai meistaramótinu, með tvo drævera í pokanum.
Það virðist hafa virkað ágætlega fyrir Shinkwin sem spilaði fyrsta hringinn á 68 höggum og er jafn í 28. sæti.
Shinkwin er ekki sá fyrsti á sterkustu mótaröðum heims til að mæta með tvo drævera til leiks en Phil Mickelson hefur leikið þann leik áður.
Eddie Pepperell tjáði sig um spilamennsku Shinkwin á Twitter en þeir léku saman á fyrsta hringnum. Sagðist hann hafa slegið um 30 stikum (e. yards) styttra en Shinkwin með styttri drævernum og um 50 stikum styttra með þeim lengri.