Sjóðandi heitur Im sigraði Shriners Children´s Open
Fyrir fram var reiknað með mikilli spennu fyrir lokahring Shriners Children´s Open mótsins. Staðan jöfn við toppinn og margir kylfingar líklegir til að eiga möguleika á sigri.
Sú spenna varð þó aldrei að veruleika þar sem einn maður Sungjae Im tók málin algjörlega í sínar hendur. Im fékk fjóra fugla á fyrstu sjö brautum dagsins og svo fimm fugla í röð frá níundu til þrettándu. Var því kominn níu högg undir par eftir 13 brautir. Im lék síðustu brautirnar á pari og hringinn á 62 höggum.
Keppnin um annað sæti var öllu meira spennandi en Matt Wolff tryggði sér annað sætið á 20 höggum undir pari, fjórum höggum á eftir IM.
Þrír kylfingar deildu svo þriðja sætinu á 19 höggum undir pari, Rory Sabbatini, Marc Leishman og Adam Schenk.
