Sveiflukenndur fyrsti hringur hjá Guðmundi
Guðmundur Ágúst Kristjánsson atvinnukylfingur úr GR hóf í dag leik á Gradi Polish Open mótinu sem er hluti af Pro Golf mótaröðinni. Fyrsti hringurinn var nokkuð sveiflukenndur og er Guðmundur jafn í 67. sæti eftir daginn.
Á hringnum í dag fékk Guðmundur fjóra fugla en á móti fékk hann fjóra skolla og einn skramba. Hann endaði því á 72 höggum, eða tveimur höggum yfir pari.
Ætli Guðmundur sér að komast áfram þarf hann að leika vel á morgun en eins og staðan er eftir fyrsta hringinn miðast niðurskurðurinn við þá kylfinga sem eru á parinu eða betur.
Efstu menn eru á 10 höggum undir pari.
