Tap gegn Austurríki | Leikur um 15. sæti framundan
Íslenska stúlknalandsliðið í golfi leikur úrslitaleik um 15. sæti á EM áhugakylfinga sem fer fram í Slóvakíu um þessar mundir.
Íslenska liðið kláraði í dag leik gegn Austurríki sem hófst í gær en kláraðist ekki vegna veðurs. Leikurinn fór 2,5-0,5 fyrir Austurríki og því leikur íslenska liðið gegn Slóveníu eftir hádegi um 15. sætið.
Í leiknum gegn Slóveníu verða þær Andrea Ýr Ásmundsdóttir og María Eir Guðjónsdóttir saman í fjórmenningi en þær Jóhanna Lea Lúðvíksdóttir og Perla Sól Sigurbrandsdóttir leika í tvímenningnum.
Hér er hægt að sjá úrslit allra leikja.
Úrslit viðureignarinnar gegn Austurríki.
