Þrír jafnir á toppnum á TOUR Championship
Fyrsti hringur TOUR Championship mótsins á PGA mótaröðinni fór fram í dag á East Lake vellinum í Atlanta. Mótið er lokamót tímabilsins á mótaröðinni og ræður úrslitum um það hver endar sem FedEx stigameistari.
Áður en kylfingar hófu leik í dag var búið að gefa þeim forgjöf út frá stöðu þeirra á stigalistanum fyrir lokamótið og er þetta í fyrsta skiptið sem það er gert.
Staðan fyrir fyrsta hringinn var því eftirfarandi:
1. Justin Thomas (-10)
2. Patrick Cantlay (-8)
3. Brooks Koepka (-7)
4. Patrick Reed (-6)
5. Rory McIlroy (-5)
26.-30. (Par)
Ólíkt því sem fjölmargir spáðu fyrir fram má búast við mikilli spennu með þessu nýja fyrirkomulagi næstu daga því eftir fyrsta keppnisdaginn eru þrír kylfingar jafnir í efsta sæti á 10 höggum undir pari. Það eru þeir Justin Thomas, Brooks Koepka og Xander Schauffele, sem lék manna best í dag.
Rory McIlroy er einungis höggi á eftir efstu mönnum en hann lék á 4 höggum undir pari í dag og er því á 9 höggum undir pari í heildina.
Ríkjandi FedEx stigameistari, Justin Rose, er jafn í 13. sæti á 4 höggum undir pari.
Annar hringur mótsins fer fram á morgun, föstudag. Hér er hægt að sjá stöðuna í mótinu.
Staða efstu manna:
1. Xander Schauffele, Brooks Koepka, Justin Thomas (-10)
4. Rory McIlroy (-9)
5. Matt Kuchar, Patrick Cantlay (-8)
7. Hideki Matsuyama (-7)
