Wiesberger valinn kylfingur maí mánaðar á Evrópumótaröð karla
Bernd Wiesberger var á mánudaginn valinn kylfingur maí mánaðar á Evrópumótaröð karla eftir sinn fyrsta sigur á mótaröðinni frá árinu 2017.
Sigurinn kom á Made in Denmark mótinu þar sem Íslendingurinn Guðmundur Ágúst Kristjánsson var meðal annars meðal keppenda.
Wiesberger hlaut 44% allra atkvæða í kosningunni og hafði betur gegn Svíanum Marcus Kinhult (30%), Englendingnum Matt Wallace og Finnanum Mikko Korhonen.
