Axel endaði í 13. sæti á Borre Open
Lokahringur Borre Open mótsins fór fram í dag á Nordic Golf mótaröðinni. Andri Þór Björnsson og Axel Bóasson komust báðir í gegnum niðurskurðinn í mótinu og voru því í eldlínunni.
Axel var í öðru sæti fyrir lokahringinn á 8 höggum undir pari. Hann lék lokahringinn á pari vallarins eða 73 höggum og féll niður um nokkur sæti. Axel endaði mótið í 13. sæti og fer að öllum líkindum eitthvað upp á stigalistanum en hann var í 8. sæti fyrir mótið.
Andri Þór náði sér ekki alveg á strik á lokahringnum eftir flottan annan hring. Hann lék á 5 höggum yfir pari í dag og endaði mótið á 3 höggum yfir pari. Sú spilamennska skilaði honum í 40. sæti í mótinu.
Guðmundur Ágúst Kristjánsson, Haraldur Franklín Magnús og Ólafur Björn voru einnig meðal keppenda í mótinu. Þeir komust hins vegar ekki í gegnum niðurskurðinn eftir tvo hringi.
Hér er hægt að sjá lokastöðuna.
