Birgir Leifur jafn í 85. sæti eftir fyrsta hringinn
Atvinnukylfingurinn Birgir Leifur Hafþórsson, GKG, er jafn í 85. sæti eftir fyrsta hringinn á Opna írska mótinu sem fer fram á Áskorendamótaröðinni í golfi.
Birgir Leifur lék fyrsta hringinn á 4 höggum yfir pari eða 76 höggum. Hringurinn byrjaði ekki nógu vel en Birgir var kominn á 4 högg yfir par eftir fjórar holur þar sem hann byrjaði á 10. holu. Skorkortið hans má sjá hér fyrir neðan.
Eftir tvo hringi er skorið niður í mótinu og komast þá um 70 efstu kylfingarnir áfram. Birgir þarf því að leika vel á morgun til þess að komast áfram.
Rhys Enoch er í efsta sæti á 6 höggum undir pari, höggi á undan þremur kylfingum.
Hér er hægt að sjá stöðuna í mótinu.