Englendingurinn Pencd hlaut Seve verðlaunin

Englendingurinn Marco Penge hlaut Seve Ballesteros-verðlaunin fyrir árið 2025 eftir að hafa verið kosinn leikmaður ársins af félögum - sínum á DP World Tour-mótaröðinni.

Verðlaunin voru veitt Penge í kjölfar tímamótatímabils þar sem hann vann þrjá sigra á DP World Tour-mótaröðinni, komst inn á topp 30 á heimslista karla í golfi (Official World Golf Ranking) og endaði í öðru sæti á Race to Dubai-stigalistanum, sem DP World stendur fyrir, og varð þar með fremstur þeirra tíu leikmanna sem tryggðu sér tvöfalda keppnisþátttöku á PGA TOUR-mótaröðinni fyrir tímabilið 2026.

Á aðeins sínu öðru heila tímabili á DP World Tour-mótaröðinni vann þessi 27 ára gamli leikmaður sinn fyrsta sigur á Hainan Classic í apríl, fylgdi því eftir með sigri á danska meistaramótinu í golfi (Danish Golf Championship) í ágúst, áður en hann sigraði í Madrid á einu sögufrægasta móti Evrópu í október, Open de España – sigur sem tryggði honum sæti á bæði Masters-mótinu og Opna breska meistaramótinu árið 2026.

Þessir sigrar, ásamt fimm öðrum sætum á topp tíu, gerðu Penge að keppinaut um sinn fyrsta Race to Dubai-titil og markaði glæsilegan viðsnúning fyrir leikmann sem rétt svo hélt keppnisrétti sínum fyrir tímabilið 2025 á síðasta stigmóti ársins 2024.

Penge sagði: „Ég er ótrúlega stoltur af því að hafa unnið þessi virtu verðlaun. Ég átti frábært tímabil í fyrra á DP World Tour-mótaröðinni, en að fá þá viðurkenningu frá keppinautum mínum þýðir virkilega mikið. Ég vil þakka þeim öllum kærlega fyrir.

Að fara úr því að berjast fyrir því að halda keppnisréttinum yfir í að vinna verðlaun sem bera nafn Seve á aðeins einu ári er eitthvað sem ég er ótrúlega stoltur af og ég er þakklátur teyminu mínu fyrir stuðninginn – það gefur mér gríðarlegt sjálfstraust og hvatningu til að sækja enn frekar á þessu tímabili.“

Marco hefur reynt fyrir sér á PGA mótaröðinni í tíu mótum það sem af er tímabils og hefur unnið sér inn eina milljón dollara í vinningsfé í þremur mótum af tíu sem hann hefur tekið þátt í.