Evrópumótaröð karla: McIlroy kominn í 5. sætið
Norður-Írinn Rory McIlroy er kominn upp í 5. sæti á Race to Dubai stigalista Evrópumótaraðar karla þegar þrjú mót eru eftir af tímabilinu. McIlroy sigraði eins og frægt er orðið á HSBC heimsmótinu sem fór fram um síðustu helgi á Heimsmótaröðinni eftir bráðabana gegn Xander Schauffele.
Fyrir mótið var McIlroy í 33. sæti stigalistans og fer hann því upp um 28 sæti á uppfærðum lista. Hann á þó enn langt í land með að ná efstu mönnum en Bernd Wiesberger situr í efsta sætinu með 4.240 stig samanborið við 2.763 stig McIlroy.
Næsta mót á Evrópumótaröð karla er Turkish Airlines Open mótið sem fer fram dagana 7.-10. nóvember.