Fékk sjampó í afmælisgjöf frá Evrópumótaröðinni
Englendingurinn Tommy Fleetwood fagnaði á sunnudaginn 29 ára afmæli sínu með því að spila lokahringinn á Abu Dhabi HSBC meistaramótinu á 63 höggum.
Fleetwood var ekki langt frá því að stela sigrinum en hann varð að lokum tveimur höggum á eftir samlanda sínum Lee Westwood sem fagnaði sínum 25. sigri á Evrópumótaröðinni.
Eftir hringinn veitti Evrópumótaröðin hinum hárprúða Fleetwood sjampó í afmælisgjöf en eins og sjá má í myndbandinu hér fyrir neðan var Fleetwood sá ánægðasti með gjöfina.
Næsta mót á dagskrá hjá Fleetwood er Omega Dubai Desert Classic sem fer fram dagana 23.-26. janúar.