Golfklúbbur Setbergs vann 2. deild karla
Íslandsmót golfklúbba í 2. deild karla 2023 fór fram á Garðavelli á Akranesi dagana 18.-20. ágúst. Alls tóku átta klúbbar þátt. Efsta liðið fór upp í 1. deild og neðsta liðið féll í 3. deild.
Í hverri umferð voru leiknir tveir fjórmenningar og þrír tvímenningsleikir.
Keppt var í tveimur fjögurra liða riðlum. Leikin var ein umferð í riðlunum.
Í undanúrslitum mættust GSE og Leynir, og Esja og GSS. Í úrslitum mættust GSE og Esja þar sem að Golfklúbbur Setbergs tryggði sér 3-2 sigur í spennandi viðureign. Golfklúbburinn Leynir varð í þriðja sæti og Golfklúbbur Fjallabyggðar féll í 3. deild.
