Guðmundur höggi frá því að komast áfram
Guðmundur Ágúst Kristjánsson GR lék í dag annan hringinn á Andalucia Challenge mótinu sem er hluti af Áskorendamótaröðinni í golfi. Mótið er haldið á Novo Sancti Petri golfsvæðinu á Spáni sem margir íslenskir kylfingar þekkja.
Guðmundur lék fyrstu tvo hringina samtals á 5 höggum yfir pari og varð að lokum einu höggi frá því að komast áfram þar sem niðurskurðarlínan miðaðist við +4.
Á hring dagsins fékk Guðmundur þrjá skolla og tvo fugla en hann bætti sig um þrjú högg á milli hringja. Síðasti skolli dagsins kom á 18. holu sem varð til þess að hann komst ekki áfram.
Þriðji og næst síðasti hringur mótsins fer fram á morgun, laugardag, fyrir þá kylfinga sem komust í gegnum niðurskurðinn. Hér er hægt að sjá stöðuna í mótinu.