Guðmundur og Aron léku fyrsta hringinn á 72 höggum
Atvinnukylfingurinn Guðmundur Ágúst Kristjánsson, GR, hóf í dag leik á Gamle Fredrikstad Open mótinu sem fram fer á Nordic Golf mótaröðinni, einungis þremur dögum eftir sigurinn á PGA Championship.
Guðmundur lék hringinn á pari vallarins og er þessa stundina jafn í 40. sæti. Guðmundur fékk þrjá fugla og þrjá skolla á hring dagsins.
Alls eru leiknir þrír hringir í mótinu sem lýkur á fimmtudaginn. Adam Eineving byrjaði manna best og kom inn á 8 höggum undir pari.
Auk Guðmundar er Aron Bergsson, sem leikið hefur í Svíþjóð undanfarin ár, meðal keppenda í mótinu. Hann lék einnig á pari vallarins og er jafn Guðmundi í 40. sæti í mótinu.