Guðrún Brá hefur leik á lokamótinu á morgun
Lokamót Evrópumótaraðar kvenna hefst á morgun á Los Naranjos golfvellinum í Andalúsíu á Spáni.
Atthaya Thitikul frá Tælandi hefur þegar tryggt sér stigameistaratitilinn en þó er að miklu að keppa fyrir flesta kylfinga.
Verðlaunafé er með því hæsta sem gerist á mótaröðinni eða um 90 milljónir króna.
Guðrún Brá Björgvinsdóttir hefur leik klukkan 11:58 að staðartíma á morgun og leikur fyrsta hringinn með heimakonunni Marta Martin og Linette Holmslykke frá Danmörku. Guðrún situr í 77. sæti stigalistans fyrir lokamótið og á góða möguleika á að hífa sig upp um nokkur sæti með góðri spilamennsku á mótinu.
