Heimslisti karla: DeChambeau nálgast sinn besta árangur
Bryson DeChambeau nálgast sína bestu stöðu á heimslistanum og en eftir sigur helgarinn er hann kominn í sjöunda sæti heimslistans sem var uppfærður í gær.
Besta staða DeChambeau á heimslistanum er fimmta sæti en hann var þar um nokkurt skeið á síðasta ári. Eftir að PGA mótaröðin hóf göngu sína að nýju hefur DeChambeau leikið í öllum fjórum mótunum og er hans versti árangur áttunda sæti á RBC Heritage mótinu.
Rory McIlroy er sem fyrr í efsta sætinu og hefur hann nú verið þar samfleytt í 10 vikur. Samtals hefur hann þó verið í efsta sætinu í 105 vikur á sínum ferli.
Bilið milli hans og Jon Rahm sem situr í öðru sætinu er tæplega eitt stig og því líklegt að efsta sæti heimslistans verði undir næstu vikurnar.