Hörð keppni á fyrsta stigamóti ársins - Leirumótinu
Eyþór Hrafnar Ketilsson úr Golfklúbbi Akureyrar er með eins högg forskot í karlaflokki á Leirumótinu í golfi eftir fyrsta hring. Í kvennaflokki eru tvær jafnar, þær Ragnhildur Kristinsdóttir og Berglind Björnsdóttir á tveimur höggum yfir pari.
Aðstæður til golfleiks voru fínar á fyrsta degi mótsins og Hólmsvöllur er í mjög góðu ástandi. Leiknar eru 54 holur í þessu fyrsta stigamóti ársins á mótaröð þeirra bestu hér á landi.
Meðal keppenda í toppbaráttunni er Íslandsmeistari karla, Kristján Þór Einarsson úr Kili í Mosfellsbæ á -3 og er jafn í öðru sæti. Hann lék mjög stöðugt golf, fékk 3 fugla og 15 pör. Meistaragolf.
Ljósmyndari kylfingur.is tók myndarúnt á fyrsta degi sem má sjá hér fyrir neðan.
Karlar:
Eyþór Hrafnar Ketilsson GA 68 högg
Elvar Már Kristinsson GR 69 högg
Kristán Þór Einarsson GM 69 högg
Konur
Ragnhildur Kristinsdóttir GR 74 högg
Berglind Björnsdóttir GR 74 högg
Fjóla Margrét Viðarsdóttir GS 75 högg
Auður Bergrún Snorradóttir GM 75 högg
Fjóla Margrét Viðarsdóttir úr GS er í 3. sæti, höggi á eftir forystusauðunum. Kylfingsmyndir/JóhannPáll.
GSÍ-mót á Hólmsvelli í Leiru 2. júní 2023
