Ísland endaði í 17. sæti á EM karla 50 ára og eldri
Íslenska karlalandsliðið skipað kylfingum 50 ára og eldri endaði í dag í 17. sæti á EM öldunga sem fór fram í Danmörku dagana 3.-7. september.
Slæmur annar dagur gerði það að verkum að íslenska liðið lék í C-riðli en liðið gerði vel eftir það og vann báða leikina í riðlinum nokkuð örugglega.
Á föstudaginn mætti íslenska liðið Slóvökum og vann 4,5-0,5 en í dag lék liðið gegn Lúxemborg um 17. sæti í mótinu og vann 4-1.
Þegar þeir Einar Long og Sigurður Aðalsteinsson, Frans Páll Sigurðsson og Sigurjón Arnarsson höfðu allir unnið sína leiki var staðan orðin 3-0 og því féllu leikir Guðmundar Arasonar og Tryggva Valtýs Traustasonar.
Lið Englands og Írlands mætast seinna í dag um sigur á Evrópumótinu. Skotar og heimamenn frá Danmörku mætast svo í leiknum um þriðja sætið.