Íslensku landsliðin standa í ströngu á EM í vikunni

Eftir fá verkefni á síðasta ári vegna Covid 19 er nú loksins farið að rofa til hjá landsliðum Íslands í golfi. Ólafur Loftsson Afreksstjóri Golfsambandsins valdi fyrir nokkru liðin sem hefja leik í þessari viku á Evrópumótum landsliða.

Liðin leika á fjórum mismunandi stöðum í Evrópu. Kvennalandsliðið, karlalandsliðið og stúlknalandsliðið hefja öll leik í dag en piltalandsliðið á morgun.

Kvennalandsliðið keppir á hinum sögufræga Royal County Down velli í Norður Írlandi. Lið Íslands skipa eftirtaldir kylfingar: Andrea Bergsdóttir, Andrea Ýr Ásmundsdóttir, Heiðrún Anna Hlynsdóttir, Hulda Clara Gestsdóttir, Jóhanna Lea Lúðvíksdóttir og Ragnhildur Kristinsdóttir.

Hægt er að fylgjast með kvennalandsliðinu hér

Karlalandslið Íslands leikur á Spáni á PGA Catalunya vellinum sem er mörgum íslenskum kylfingum að góðu kunnur.

Lið Íslands skipa eftirtaldir kylfingar: Aron Snær Júlíusson, Dagbjartur Sigurbrandsson, Hákon Örn Magnússon, Hlynur Bergsson, Kristófer Karl Karlsson og Sverrir Haraldsson.

Hér má fylgjast með karlalandsliðinu

Stúlknalandsliðið keppir á Montado Golf Resort í Portúgal.

Lið Íslands skipa eftirtaldir kylfingar: Berglind Erla Baldursdóttir, Helga Signý Pálsdóttir, Katrín Sól Davíðsdóttir, María Eir Guðjónsdóttir, Perla Sól Sigurbrandsdóttir og Sara Kristinsdóttir.

Hér má fylgjast með stúlknalandsliðinu

Piltalandsliðið leikur í Eistlandi á Estonian G&CC vellinum og hefur ekki leik fyrr en á morgun eins og áður segir.

Lið Íslands skipa eftirtaldir kylfingar: Aron Ingi Hákonarson, Bjarni Þór Lúðvíksson, Björn Viktor Viktorsson, Böðvar Bragi Pálsson, Dagur Fannar Ólafsson og Gunnlaugur Árni Sveinsson.