Jóhanna Lea og Sigurður Arnar Íslandsmeistarar í flokki 17-18 ára

Íslandsmót unglinga í höggleik lauk í gær en leikið var á Leirdalsvelli hjá Golfklúbbi Kópavogs og Garðabæjar að þessu sinni. Leikið var í fjórum stelpuflokkum og fjórum strákaflokkum.

Mikil spenna var á lokadegi í flestum flokkum og réðust úrslitin ekki fyrr en á lokaholunum í flokki 17-18 ára, bæði í stelpu- og strákaflokki, en svo fór að lokum að Sigurður Arnar Garðarsson, GKG, og Jóhanna Lea Lúðvíksdóttir, GR, fögnuðu sigri.

Fyrir lokadaginn var Jón Gunnarsson, GKG, með eins höggs forystu á Sigurðu Arnar Garðarsson, GKG. Tveimur höggum þar á eftir var Lárus Ingi Antonsson, GA. Fyrir lokaholuna var staðan orðin þannig að Sigurður var með eins höggs forystu á Jón og þriggja högga forystu á Lárus. Bæði Sigurður og Jón fengu skolla á lokaholunni á meðan Lárus fékk fugl. Sigurður endaði því efstur á höggi undir pari og Jón og Lárus urðu jafnir í öðru sæti á pari vallar.

Úrslit í flokki 17-18 ára kk:

1	Sigurður Arnar Garðarsson	GKG	-1	68	74	70
T2	Lárus Ingi Antonsson	GA	Par	72	72	69
T2	Jón Gunnarsson	GKG	Par	70	71	72
4	Tómas Eiríksson Hjaltested	GR	+6	82	69	68
5	Aron Emil Gunnarsson	GOS	+7	72	77	71

Andrea Ýr, Jóhanna Lea og Hulda Clara. Mynd: [email protected].

Hjá stelpunum var svipuð spenna og réðust úrslitin ekki fyrr en á lokaholunum. Jóhanna var komin með sex högga forystu á Huldu Clöru Gestsdóttur, GKG, þegar sjö holur voru eftir á lokahringnum. Þá fékk Hulda fimm fugla í röð og var forysta Jóhönnu því aðeins eitt högg. Þær fengu báðar pör á síðustu tveimur holunum og fagnaði því Jóhanna eins höggs sigri. Hulda Clara varð önnur og að lokum varð Andrea Ýr Ásmundsdóttir, GA, í þriðja.

Úrslit í flokki 17-18 ára kvk:

1	Jóhanna Lea Lúðvíksdóttir	GR	+12	78	74	73
2	Hulda Clara Gestsdóttir	GKG	+13	79	76	71
3	Andrea Ýr Ásmundsdóttir	GA	+21	81	77	76
4	Árný Eik Dagsdóttir	GKG	+25	76	86	77
5	María Björk Pálsdóttir	GKG	+32	81	83	81