Johnson getur komist í efsta sæti heimslistans um helgina
Bandaríkjamaðurinn Dustin Johnson á möguleika á því að komast aftur í efsta sæti heimslistans með góðum árangri á Opna bandaríska mótinu um helgina.
Fyrir Opna bandaríska mótið er Johnson í öðru sæti heimslistans, rétt á eftir Brooks Koepka sem reynir að vinna mótið þriðja árið í röð.
Golf Channel tók í vikunni saman 12 atburðarásir sem myndu gera það að verkum að Johnson kæmist í efsta sætið. Sú auðveldasta væri auðvitað að Johnson myndi vinna mótið. Þá skiptir árangur Koepka í mótinu engu máli.
Hinar atburðarásirnar eru eftirfarandi:
Einn í 2. sæti svo lengi sem Koepka vinnur ekki mótið
Einn í 3. sæti og Koepka endar neðar en jafn í 4. sæti
Einn í 4. sæti og Koepka endar neðar en jafn í 7. sæti
Einn í 5. sæti og Koepka endar neðar en í 13. sæti
Einn í 6. sæti og Koepka endar neðar en jafn í 19. sæti
Einn í 7. sæti og Koepka endar neðar en jafn í 25. sæti
Einn í 8. sæti og Koepka endar neðar en í 40. sæti
Einn í 9. sæti og Koepka endar neðar en í 49. sæti
Einn í 10. sæti og Koepka endar neðar en jafn í 58. sæti
Einn í 11. sæti og Koepka kemst ekki í gegnum niðurskurðinn.
Brooks Koepka er staðráðinn í að vinna Opna bandaríska mótið þriðja árið í röð.