Landsmót í golfhermum 2022

Úrslitakeppni Landsmóts í golfhermum 2022 fer fram á morgun, sunnudag, í Íþróttamiðstöð Golfklúbbs Kópavogs og Garðabæjar. Fyrri umferðin hefst klukkan 11:30 og hin síðari klukkan 15:00 og verður hún í beinni útsendingu í opinni dagskrá á Stöð 2 Sport.

Þetta er í fyrsta sinn sem Landsmót er haldið í golfhermum hér á landi. Kylfingur verður á staðnum og gerir mótinu skil.

Fyrri undankeppnin var leikin frá 14. janúar til 14. febrúar sl. og seinni undankeppnin frá 15. febrúar til 14. mars sl. Átta efstu kylfingarnir í undankeppnunum í karla- og kvennaflokki komust áfram í úrslitakeppnina. Hægt var að taka þátt í keppninni í hvaða TrackMan hermi sem er sem bauð upp á möguleika á að pútta, hvar sem er í heiminum.

Í úrslitakeppninni eru leiknar 36 holur. Fyrri umferð hefst klukkan 11:30 og seinni umferð klukkan 15:00.

Stöð 2 Sport sýnir beint frá seinni umferðinni í opinni dagskrá.

Fyrri umferð:

Karlaflokkur

Gísli Sveinbergsson, GK

Steinn Baugur Gunnarsson, NK
___

Guðmundur Ágúst Kristjánsson, GKG

Kristófer Orri Þórðarson, GKG
___

Gunnlaugur Árni Sveinsson, GKG

Aron Emil Gunnarsson, GOS
___

Ólafur Marel Árnason, GKG

Heiðar Snær Bjarnason, GOS

 

Kvennaflokkur

Berglind Erla Baldursdóttir, GM

Hekla Ingunn Daðadóttir, GM
___

Saga Traustadóttir, GKG

María Eir Guðjónsdóttir, GM
___

Katrín Sól Davíðsdóttir, GM

Sara Kristinsdóttir, GM
___

Karen Lind Stefánsdóttir, GKG

Eva Kristinsdóttir, GM


Kylfingum verður raðað eftir skori í seinni umferð.

___

Því miður er ekki mögulegt að hleypa áhorfendum inn í keppnissalinn vegna þrengsla.
___


Keppt verður um titilinn Landsmeistari í golfhermum í kvenna og karlaflokki. Landsmeistarar hljóta farandbikar til eins árs.

Þá verða peningaverðlaun veitt fyrir efstu þrjú sætin:

1. sæti: 100.000 kr.

2. sæti: 50.000 kr.

3. sæti: 30.000 kr.