Prósjoppan
Prósjoppan

Fréttir

Langer ekki lengi að svara Poulter
Bernhard Langer og Ian Poulter.
Rúnar Arnórsson
Rúnar Arnórsson skrifar
mánudaginn 9. nóvember 2020 kl. 18:41

Langer ekki lengi að svara Poulter

Ian Poulter lék æfingahring á Augusta National vellinum í gær en Masters mótið hefst þar á fimmtudaginn. Eftir hringinn sagði hann fólki frá því á samfélagsmiðlum að hann hafa farið inn í golfbúðina til að útvega sér nokkra hluti.

Þegar Poulter var farinn spurði öryggisvörður kylfuberann hans hvort að þetta hafi verið Bernhard Langer sem hefur á sínum ferli unnið tvo græna jakka, árin 1985 og 1993.

Poulter fannst þetta heldur slæmt þar sem að hann sjálfur er 44 ára gamalla og leikur enn á PGA mótaröðinni á meðan Langer er orðinn 63 ára gamall og er einn sigursælasti kylfingur PGA Tour Champions mótaraðarinnar.

Langer var ekki lengi að skjóta til baka á Poulter og sagði hann að Poulter hafi verið heppinn að hann hafi ekki verið spurður út í alla grænu jakkana því eins og fólk eflaust veit hefur Poulter aldrei fagnað sigri á Masters mótinu þar sem sigurvegari mótsins hlýtur grænan jakka að launum. Langer benti honum einnig á það að hann ætti auka og þeir ættu að fara saman í golfbúðina á vellinum og kaupa eitthvað fallegt handa Poulter.