Lokaúrtökumótið áfram á Lumine til 2022
Fram kemur á heimasíðu Evrópumótaraðar karla að búið sé að framlengja við Lumine golfsvæðið á Spáni þar sem lokaúrtökumót mótaraðarinnar hefur farið fram frá árinu 2017.
Núverandi samningur er til þriggja ára sem tryggir Lumine svæðinu úrtökumótið til ársins 2022.
Á Lumine golfsvæðnu eru tveir golfvellir, þeir Hills og Lakes, og hafa nú þegar 468 kylfingar keppt á völlunum tveimur frá árinu 2017 í móti sem talið er eitt af því erfiðasta í heiminum á ári hverju.
Íslendingarnir Andri Þór Björnsson GR, Guðmundur Ágúst Kristjánsson GR og Bjarki Pétursson GKB tóku allir þátt í lokaúrtökumótinu í haust en náðu ekki að tryggja sér þátttökurétt á mótaröð þeirra bestu.