LPGA: Ólafía Þórunn með á Lotte Championship
Atvinnukylfingurinn Ólafía Þórunn Kristinsdóttir, GR, er meðal keppenda á móti helgarinnar á LPGA mótaröðinni, Lotte Championship. Mótið hefst á fimmtudaginn og lýkur á sunnudaginn.
Ólafía Þórunn hefur nú fengið ágæta hvíld frá síðasta móti sem fór fram í byrjun mánðarins en ekki var leikið á LPGA mótaröðinni um helgina.
Líkt og svo oft áður eru flestir af bestu kylfingum heims skráðir til leiks á Lotte Championship en þetta er í annað skiptið sem Ólafía er meðal keppenda. Hún keppti einnig í mótinu í fyrra en þá komst hún ekki í gegnum niðurskurðinn eftir að hafa leikið á 7 höggum yfir pari.
Fyrir mótið er Ólafía í 97. sæti á stigalista LPGA mótaraðarinnar eftir 5 mót. Hún hefur komist í gegnum niðurskurðinn á tveimur mótum, fyrst á Bahama eyjum í byrjun árs og svo á Kia Classic í mars.
Hér er hægt að sjá keppendalista mótsins.
