Masters: Staðan eftir fyrsta hring
Fyrsti hringur Masters risamótsins fór fram í dag við fínar aðstæður á Augusta National vellinum í Georgíu fylki í Bandaríkjunum.
Bandaríkjamennirnir Bryson DeChambeau og Brooks Koepka fóru best af stað og eru þeir jafnir í efsta sæti á 6 höggum undir pari. Koepka er í leit að þriðja risatitlinum í síðustu fjórum tilraunum á meðan DeChambeau á enn eftir að vinna sitt fyrsta.
A chip in on No. 17 puts @b_dechambeau one off #themasters lead. pic.twitter.com/bBQvoLFJUj
— Masters Tournament (@TheMasters) April 11, 2019
DeChambeau og Koepka eru höggi á undan þrefalda Masters sigurvegaranum Phil Mickelson sem er í þriðja sæti.
Dustin Johnson og Ian Poulter eru jafnir í 4. sæti á 4 höggum undir pari.
Tiger Woods lék fyrsta hringinn á 70 höggum eða tveimur höggum undir pari og er jafn í 11. sæti. Nánar er hægt að lesa um hringinn hans með því að smella hér.
Sigurvegari síðasta árs, Patrick Reed, lék fyrsta hring mótsins á 73 höggum eða höggi yfir pari og er jafn Sergio Garcia og Rory McIlroy í 44. sæti.
Hér er hægt að sjá stöðuna í mótinu.
