Michelle Wie verður ekki með á Opna bandaríska
Michelle Wie verður ekki meðal keppenda á Opna bandaríska mótinu sem fer fram dagana 30. maí - 2. júní.
Wie tilkynnti þetta á Instagram síðu sinni á föstudaginn en ástæðan er sú að hún er enn að jafna sig á meiðslum og vill hún setja heilsu sína í forgang. Í apríl tilkynnti Wie að hún yrði frá vegna meiðsla í hægri úlnlið og er hún enn að jafna sig á þeim meiðslum.
Fatima Fernandez Cano, sem leikur með Ólafíu Þórunni Kristinsdóttur á Symetra mótaröðinni, fær sæti Wie í mótinu.
