Myndband: Vel heppnað Happy Gilmore högg hjá Timberlake
Auk þess að geta sungið, leikið og dansað er Justin Timberlake góður í golfi og hefur hann sýnt það oftar en einu sinni undanfarin ár í Pro/Am mótum á PGA mótaröðinni.
Timberlake sýndi flott tilþrif í vikunni þegar hann tók vel heppnaða „Happy Gilmore“ sveiflu og birti á Instagram síðu sinni. Söngvarinn, sem er með rúmlega 53 milljónir fylgjenda á miðlinum, bætti því við að þetta væri allt í mjöðmunum.
Hér fyrir neðan má sjá tilþrifin hjá Timberlake auk viðbragða kylfinga á borð við Rory McIlroy og Justin Thomas sem voru ánægðir með myndbandið.