PGA: Simpson í forystu eftir tvo hringi á RBC Heritage
Bandaríkjamaðurinn Webb Simpson leiðir eftir tvo hringi á RBC Heritage mótinu sem fer fram á PGA mótaröðinni í golfi. Simpson er á 12 höggum undir pari eftir tvo hringi, höggi á undan næstu kylfingum.
Simpson hefur nú þegar sigrað á móti á þessu tímabili en hann sigraði á Waste Management Phoenix Open mótinu í febrúar.
Jafnir í öðru sæti eru þeir Bryson DeChambeau og Corey Conners en sá síðarnefndi lék á 8 höggum undir pari á öðrum keppnisdegi.
Líkt og Kylfingur greindi frá á föstudaginn er Nick Watney hættur keppni í mótinu en hann greindist með Covid-19.
