Ragnhildur komin upp í efsta sæti stigalistans eftir sigurinn um helgina

Ragnhildur Kristinsdóttir, GR, er í vænlegri stöðu á stigalistanum á Mótaröð þeirra bestu þegar fjögur mót af fimm á tímabilinu eru búin.

Ragnhildur sigraði á móti helgarinnar, KPMG mótinu, og fór fyrir vikið upp fyrir Sögu Traustadóttur í efsta sæti stigalistans. Samtals hefur Ragnhildur fengið 3.765 stig á tímabilinu en hún hefur sigrað á tveimur mótum. Hún fær stórt verkefni í þessari viku en hún er á meðal keppenda á Evrópumóti áhugamanna í keppni einstaklinga.

Guðrún Brá Björgvinsdóttir, sem endaði í öðru sæti um helgina, fer upp í 11. sæti stigalistans en þetta var einungis fyrsta mótið hennar á mótaröðinni á þessu tímabili þar sem hún hefur einbeitt sér að LET Access mótaröðinni.

Síðasta mót tímabilsins er Íslandsmótið í höggleik sem fer fram dagana 8.-11. ágúst á Grafarholtsvelli. Þá kemur í ljós hvaða kylfingar standa uppi sem stigameistarar í karla- og kvennaflokki ásamt því að Íslandsmeistarabikarinn fer á loft.

Staða efstu kylfinga í kvennaflokki eftir fjögur mót af fimm: