Rory McIlroy efstur fyrir lokahringinn í Dubai
Rory McIlroy endurheimti forystuna eftir þriðja hring DP World Tour Championship mótsins í Dubai.
McIlroy lék þriðja hringinn á fimm höggum undir pari og er samtals á 14 höggum undir pari. Sam Horsefield var jafn McIlroy fyrir lokaholuna en fékk skolla og er einn í öðru sæti höggi á eftir.
Robert McIntyre og Alexander Bjork eru svo jafnir í þriðja sætinu á 12 höggum undir pari.
McIlroy lenti í smá ævintýrum á 17. brautinni eins og sjá má í meðfylgjandi myndbandi en slapp að lokum með skolla.
Rory McIlroy's 17th hole was eventful...#DPWTC | #RolexSeries pic.twitter.com/YSiMmRipnr
Collin Morikawa hefur svo gott sem tryggt sér stigameistaratitilinn og milljón evru bónus. Hann situr í 5. sæti mótsins og þarf ekki að hafa áhyggjur af Billy Horschel og Tyrell Hatton sem koma næstir á stigalistanum.
