Staðan fyrir Tour Championship mótið og hvernig mótið fer fram
Lokamót tímabilsins á PGA mótaröðinni, Tour Championship mótið, hefst nú á fimmtudaginn og ræðst á sunnudaginn hvaða kylfingur fer heim með FedEx bikarinn og 15 milljónir dollara sem í boði eru fyrir þann sem endar efstur á FedEx stigalistanum.
Eins og greint var frá fyrr í morgun er Justin Thomas efstur að stigum fyrir lokamótið en sú nýbreyttni er á mótinu í ár að í stað þess að fá stig í loka mótsins þá byrjar efsti maður stigalistans á 10 höggum undir pari. Thomas byrjar því á 10 höggum undir pari á meðan Patrick Cantlay sem er í öðru sæti stigalistans byrjar á átta höggum undir pari og koll af kolli.
Kylfingarnir sem eru í neðstu sætum stigalistans byrja á parinu og þurfa þeir því einfaldlega að vinna upp þessi 10 högg til þess að hampa FedEx bikarnum. Áður fyrr gátu kylfingar sem voru í efstu fimm sætum stigalistans fyrir lokamótið unnið FedEx bikarinn og allan peninginn einfaldlega með því að vinna Tour Championship mótið. Kylfingar í sætum 6-30 átta möguleika á að vinna bikarinn en þurftu að treysta á að ákveðnir aðilar enduðu neðar en eitthvað ákveðið sæti. Með núverandi fyrirkomulagi hefur PGA mótaröðin komið í veg fyrir að sú staði komi upp og vill gefa öllum 30 kylfingum tækifæri á að vinna bikarinn eftirsóknarverða.
Staðan í byrjun móts:
Sæti | Nafn | Stig | Skor í byjun móts |
1 | Justin Thomas | 3.475 | -10 |
2 | Patrick Cantlay | 3.157 | -8 |
3 | Brooks Koepka | 3.119 | -7 |
4 | Patrick Reed | 2.946 | -6 |
5 | Rory McIlroy | 2.842 | -5 |
6 | Jon Rahm | 2.517 | -4 |
7 | Matt Kuchar | 2.339 | -4 |
8 | Xander Schauffele | 2.030 | -4 |
9 | Webb Simpson | 1.946 | -4 |
10 | Abraham Ancer | 1.940 | -4 |
11 | Gary Woodland | 1.912 | -3 |
12 | Tony Finau | 1.911 | -3 |
13 | Adam Scott | 1.874 | -3 |
14 | Dustin Johnson | 1.840 | -3 |
15 | Hideki Matsuyama | 1.821 | -3 |
16 | Paul Casey | 1.768 | -2 |
17 | Justin Rose | 1.739 | -2 |
18 | Brandt Snedeker | 1.709 | -2 |
19 | Rickie Fowler | 1.637 | -2 |
20 | Kevin Kisner | 1.635 | -2 |
21 | Marc Leishman | 1.587 | -1 |
22 | Tommy Fleetwood | 1.479 | -1 |
23 | Corey Conners | 1.476 | -1 |
24 | Sungjae Im | 1.407 | -1 |
25 | Chez Reavie | 1.394 | -1 |
26 | Bryson DeChambeau | 1.371 | Par |
27 | Louis Oosthuizen | 1.355 | Par |
28 | Charles Howell III | 1.345 | Par |
29 | Lucas Glover | 1.337 | Par |
30 | Jason Kokrak | 1.254 | Par |