Þrír fóru holu í höggi sama dag á Leirdalnum

Tunglin í himinhvolfunum röðuðust heldur betur rétt í gær, þriðjudaginn 2. september, fyrir þrjá kylfinga sem léku Leirdalinn hjá GKG en allir náðu þeir draumahögginu! Kylfingur auglýsir eftir sambærilegu, að þrír kylfingar fari holu í höggi sama daginn á sama vellinum.

Kylfingarnir knáu eru Jón Guðmundur Ragnarsson og Ólafur Siemsen sem náðu afrekinu á 13. braut, og Jóhann Gísli Jóhannesson sem tók 9. brautina í sitt draumahögg.

GKG og Kylfingur óska umræddum kylfingum innilega til hamingju með að vera komnir í Einherjaklúbbinn en hægt er að skrá sig í klúbbinn á þessari vefslóð en svo skemmtilega vill til að þremenningarnir geta freistað gæfunnar úti á Nesi á laugardag kl. 10.