10 kylfingar sem geta slegið í gegn á árinu - 2. hluti

Það er ekki langt síðan þeir Collin Morikawa, Matthew Wolff og Viktor Hovland hófu sinn atvinnumannaferil en þeir eru engu að síður komnir með samtals sex sigra á PGA mótaröðinni.

Engir nýliðar verða á PGA mótaröðinni þetta tímabilið vegna áhrifanna sem Covid-19 hafði á aðstæður. Það eru samt margir ungir kylfingar sem þykja líklegir til árangurs á árinu og ætlum við að kynna þá hérna. Í gær var greint frá fyrstu þremur kylfingunum og er nú komið að næstu þremur. Flestir eiga þessir kylfingar það sameiginlegt að fólk þekkir nöfn þeirr eflaust ekki.

Jayden Schaper
Staða á heimslistanum í byrjun árs: 342

Þessi 19 ára kylfingur lék í ungmenna Forsetabikarnum fyrir rétt um ári síðan en fyrsta árið hans sem atvinnumaður gekk vonum framar. Hann lenti þrisvar sinnum á meðal 10 efstu á Sunshine mótaröðinni og bætti svo við tveimur topp-10 til viðbótar, þar af annað sætið á Alfred Dunhill meistaramótinu í nóvember, á mótum  sem haldin voru sameiginlega af Evrópumótaröðinni og Sunshine mótaröðinni.

Garrick Higgo
Staða á heimslistanum í byrjun árs: 90

Hann hefur nú þegar unnið tvö mót sem atvinnumaður og er hann því á meðal 100 efstu á heimslistanum. Þessi 21 árs gamli Suður-Afríkubúi, sem lék golf með Háskólanum í Las Vegas (UNLV), fagnaði sigri á Open de Portugal sem haldið var af Evrópumótaröðinni og Áskorendamótaröðinni í september. Hann mun því leika á Evrópumótaröðinni á næsta ári og er til alls líklegur þar. 

Min Woo Lee
Staða á heimslistanum í byrjun árs: 172

Min Woo Lee vann sinn fyrsta sigur sem atvinnumaður í febrúar síðastliðinn þegar að hann bar sigur úr býum á Vic Open mótinu. Þessi 22 ára gamli fyrrum U.S. Junior Amateur meistari náði sér ekki á strik eftir sigurinn en hæfileikarnir eru ógljóslega til staðar og ætti að getað barist um sigur í fleiri mótum á árinu. Lee er bróðir Minjee Lee sem hefur leikið á LPGA mótaröðinni við góðan orðstír.