Anna Karen til South Dakota háskólans
Anna Karen Hjartardóttir úr Golfklúbbi Skagafjarðar hefur samið við South Dakota State University fyrir haustið 2024.
Anna Karen er efnilegur kylfingur og ætlar nú að taka næsta skref í golfinu með að fara til Bandaríkjanna í nám og golfleik.
„Við í ANSAathletics teyminu höfum fulla trú á að Anna Karen komi til með að bæta sig enn frekar í umhverfi SDSU og hlökkum til að fylgjast með henni á sinni vegferð ytra,“ segir í tilkynningu frá ANSAathletics sem vinnur með íslensku íþróttafólki.
