Ársskýrsla GSÍ: Mesta fjölgunin hjá GBR

Í nokkur ár hefur Golfsamband Íslands tekið saman tölfræði og lykiltölur fyrir klúbba, samstarfsaðila og aðra hagsmunaaðila. Í kjölfar golfþings sambandsins sem fór fram um síðustu helgi birtu þeir ýmis gögn sem Kylfingur mun deila með lesendum sínum á næstu dögum.

Meðal þess sem kemur fram er fjöldi kylfinga í öllum klúbbum landsins og breyting á milli ára. Þar er til að mynda hægt að sjá að mesta fjölgun klúbbfélaga milli ára í prósentum talið er hjá Golfklúbbi Brautarholts en um var að ræða 85% fjölgun milli áranna 2018 og 2019. Klúbbfélagar GBR eru nú orðnir 131 talsins.

Mesta fækkunin milli ára átti sér stað hjá Golfklúbbnum Tudda eða um 33%. Athygli vekur að alls fækkaði klúbbfélögum í GKG um 140 á árinu sem er um 7% fækkun frá árinu 2018.

Fjölmennasti klúbbur landsins er sem fyrr Golfklúbbur Reykjavíkur en alls bættust við 168 kylfingar í klúbbinn milli ára. Við þessa aukningu eru nú 3.232 kylfingar í GR rúmlega 18% af þeim 17.846 kylfingum sem voru í golfklúbbi í sumar.

Hér fyrir neðan má sjá lista yfir fjölda klúbbfélaga í öllum klúbbum landsins: